لاعب الأهلي القاهري عمرو السولية يقرّر تقديم بلاغات ضد المتحرشين بعد واقعة طفلته

حالة غضب عارمة انتابت عمرو السولية، لاعب وسط النادي الأهلي، بعد تعليقات على صوره جمعته وبنته الطفلة، وصلت لمرحلة التحرش الجنسي، على حد وصف نجم القلعة الحمراء، حيث نشر السولية عبر حسابه على موقع التواصل الاجتماعي «تويتر» بعض تعليقات هؤلاء الأشخاص، وعلق عليها السولية قائلًا:" ليلى بنتي عندها 3 سنين ونص «لسة قالعة البامبرز من كام شهر» الكلام ده بيتقال على طفلة، ايه اللي يخلي «بني آدم» ممكن يبص على لبس طفلة ؟".

وأضاف:" ايه المرض ده، دول اللي لما بيكبروا بيكونوا مغتصبين ومتحرشين، واللي بنخاف على بناتنا وأهلنا ينزلوا الشارع علشان ميتعرضوش لأذاهم".

وأشار:" أتمنى الشيوخ اللي بيبرروا للتحرش ولبس البنات يكونوا مبسوطين دلوقتي وهما شايفين اللي بيحصل".

وأتم:" قررت اتقدم ببلاغات لأصحاب الكومنتات دي، علشان اللي زي دول مينفعش يكبروا وسطنا، قررت أحمي بناتي اللي لسه ما شافوش الدنيا، وللأسف خايف عليهم يشوفوا كمية القرف والأشمئزاز ده".

قد يهمك أيضًا

فايلر يقود تمرينات النادي الأهلي بعد سلبية المسحة للكشف عن "كورونا"

الأهلي ينتظر فلوس الاتفاق قبل تحديد مصير وليد أزارو